Vilangadupakkam - விளாங்காடுபாக்கம்.

Shri Mahaveerasamy Jain temple 
ஸ்ரீ த்ரைலோக்யநாத ஸ்வாமி ஜிநாலயம்
 திகம்பர ஜினாலயம்.

It lies the coordination  of  Vilangadupakkam - (13.20109, 80.21935)

 ஓம் ஹ்ரீம் ஸ்ரீ மஹாவீர தீர்த்தங்கராதி சகல முனி கணேப்யோ 

 அர்க்யம் நிர்வபாமி ஸ்வாஹா 

ஓம் ஹ்ரீம் அர்ஹம் ஜம்பூத்வீபத்து பரத க்ஷேத்திரத்து குண்டலபுர நகரத்து நாத வம்சத்து சித்தார்த்த மஹாராஜாவிற்கும், பிர்யகாருணி மஹாதேவிக்கும் உதித்த திருக்குமாரனும் ஒப்பிலா மஹா புருடரும்,  பொன் வண்ணரும் 7 முழம் உயரம் உடையவரும் பரம ஔதாரிக தேகத்தை உடையவரும் 72 வருடம் ஆயுள் உடையவரும், சிம்ம லாஞ்சனத்தை உடையவரும், மாதங்க யக்ஷ்ன், சித்தாயினி யக்ஷியர்களால் சேவிக்கப்பட்டவரும் கௌதமர் முதலிய 11 கணதர பரமேட்டிகளை உடையவரும் 2 நட்கள் ப்ரதிமா யோகம் கொண்டவரும் பாபாபுரி சரோவர மத்தியில் கார்த்திகை கிருஷ்ண சதுர்தசி திதியில் 26 முனிவர்களுடன் பரிநிர்வாணம் அடைந்த வருமான ஸ்ரீவர்த்தமான தீர்த்தங்கர பரம ஜிநேந்திர சுவாமிக்குத் தூய மனம் மொழி மெய்களால் நமோஸ்து! நமோஸ்து! நமோஸ்து!

"விளாங்காடு பாக்கத்தே உறைகின்ற வீதராகனே!

ஐம்பொறிகளும் தளர் வடைந்து ஓய்வு பெற்ற காலத்தும்,

கூட புலனாசைகள் உந்தித்தள்ள ,

பாய்ந்து செலும் வெள்ளத்தின் மேல் செல்கின்ற துரும்பு போல,

துன்பத்தில் உழலலானேன்.

உன்னைக்கண்டு வணங்கி நிற்கும் எனக்கு அந்நிலை வாராதபடி

சூரியன் முன் கரையும் பனிபோல என் வினைகள் தாமும் விலகிச்செல்லும்

நற்காலம் வந்து வாய்க்குமோ?அறிந்தேனில்லையே!"

 

ஓய்கின்ற காலத்தும் ஓயாமல் புலனாசை உந்தித் தள்ள

பாய்கின்ற நீத்தமிசை படர்கின்ற துரும்புபோல் படருழந்தேன்

காய்கின்ற சுடர் முன்னே கரைகின்ற பனிபோலக் கருமந்தானும்

வீழ்கின்ற நிலை வருமோ?விளாங்காடு பாக்கமுறை வீதராகா!   

 

க்ஷேத்ரமாலை - புலவர் பெருமான்.

=================

இன்று விளாங்காடுபாக்கம், சென்னை புழலிலிருந்து ஏழு கிமீ. தொலைவிலிருக்கும் ஒரு  ஜினாலயத்திற்கு சென்று தரிசிக்கும் வாய்ப்பு கிட்டியது.  அழகிய சிறிய ஆலயம், சரியான அளவில் சமணஆலய அம்சங்கள் அனைத்தும் கொண்டு கட்டப்பட்டுள்ளது.

ஜினாலயம் பழமையானதாக காட்சி அளிக்கிறது.

அந்த ஜினாலயத்தின் மூலவர் சிலை அதே ஸ்தலத்தில் பூமிக்கு அடியில் இருந்து கிடைக்கப்பட்டதும்;  அவ்வூரை சார்ந்த திரு சம்பத் ஜயர் என்பவர் அச்சிலையை எடுத்து இவ்வாலயத்தை கட்டத்துவக்கினார். 1936 ம் ஆண்டு கட்டி முடிக்கபட்டு முதல் பிரதிஷ்டை நிறைவேறியுள்ளது. 

 

அறுபது ஆண்டுகள் கழித்து 1996 ல் மீண்டும் ஜினாலயம் புதுப்பிக்கப்பட்டு மீண்டும் சரவணபெலகொளா தவத்திரு. சாருகீர்த்தி சுவாமிகள் முன்னிலையில் பிரதிஷ்டா மஹோற்சவம் நடந்துள்ளது.

இந்த ஜினாலயம் ஒரே குடும்பத்தை சார்ந்தவர்களால் நிர்வகிக்கப்பட்டு வருகிறது என்பது குறிப்பிடத்தக்கது.

ஜினாலயம் உள்ளே நுழைந்த உடன் கொடிமரமும், பலிபீடமும் அமைந்துள்ளது. 

ஆலயம் மூலவர் கருவறை, இடைநாழி, அர்த்தமண்டபம் போன்ற அடுக்கடுக்காய் திராவிட பாரம்பர்ய முறையில் கட்டப்பட்டு உள்ளது. கருவறையின் மீது அமைந்த விமானம் கலைப்பானியுடன் சிகர கலசத்தைக் கொண்டுள்ளது..

 

விமானத்தில் ஆதிநாத், நேமிநாத், பார்சுவநாத் ஆகியோருடைய சுதைச் சிறப்பங்கள் பக்கத்துக்கு ஒன்றாக உள்ளன. கருவறையில் ஸ்ரீ 1008 மகாவீரர் சாந்த ஸ்வரூபியாய் அர்த்த பத்மாசனத்துடன்;  முக்குடை, அசோக மரநிழலில், இருபக்கச் சாமரதாரிகள், பிரபா மண்ட ஒளிவட்டத்துடன், சிம்மங்கள் தாங்கிய ஆசனத்தில்  அமர்ந்து இருப்பதுபோல சிற்பம் வடிக்கப்பட்டுள்ளது.

 

முகப்பின் வலதுபுற மண்டபத்தில், அதே ஊரில் கிடைத்த ஸ்ரீ பார்சுவநாதர் அருகில் உள்ள மெதவயில், பெருவாயில் , வல்லுர்  போன்ற ஊர்களில் இருந்து கிடைக்கபட்ட 5 தீர்த்தங்கரர் சிற்பங்கள் மூன்றடி மேடையில் நிறுவப்பட்டு அழகாக காட்சியளிக்கிறது.

மூலவருக்கு தின தீப ஆரதி வழங்குபவர்,  ஜினாலய நிர்மாண  பரம்பரை சார்ந்த திரு. T. ஸ்ரீதர், (sir) அறங்காவலர் கமிட்டி.

----------- 

Vilankattupakkam Jain Temple is 7 km from Puzhal.

Moolnayak; The ancient granite stone statue has the figure of Sri Mahavir jinar designed with eight features.

 

The Jinalayam getting ancient near future.

 

When the Mulnayak deity of that Jinalayam was found under the earth of the place of itself; Mr. Sampath Jayar, a resident of that village, took the idol and built this bearutiful temple. It was completed in 1936 and the first consecration was completed.

After sixty years, the Jinalayam was renovated again in 1996 and the abbot ofSaravanabelagola mutt was again visited. The consecration ceremony was held in the presence of Charukirthi Swamigal grandly.

It is noteworthy that this Jinalayam is maintained by the people of the same family.

As soon as you enter the Jinalayam, there is a flagpole and an altar.

The temple is built in the Dravidian traditional style with layers such as the sanctum sanctorum, interment hall, and arthamandapam. The Vimana above the sanctum sanctorum has a shikhara kalasam on the top.

 

In the vimana, the relics of Adinath, Neminath, and Parswanath are placed side by side.

 In the sanctum sanctorum, Sri 1008 Mahavira is depicted as a polite looking and with a half-padmasana; in the shade of the Ashoka tree, with the Samaradharis on both sides, with a halo of Prabha Mandal, and sitting on a seat supported by lions.

 

In the right side of the Mandap, sculptures of five Tirthankaras found in the same town as Sri Parswanath, found in Medavail, Peruvail, and Vallur, are installed on a three-foot platform look beautifully. 

-----------------

on March 2, 2025

visit...

********************** 

Videos

You tube video for this temple 

Please lay your comments regarding the Jain temple...

I expect Mr. Bharat puzhal, whom he Knows around the north madras Jain shrines. 

Srirangapatnam - ஸ்ரீரங்கப்பட்டணம்

Shri 1008 Adhinathar Jain temple  - ஸ்ரீ 1008 ஆதிநாதர் ஜைன் பஸ்தி.

Location: Gps Coordinates is (12.421511, 76.682528)

ஸ்ரீரங்கப்பட்டணம்-  கர்நாடக மாநிலத்தில் மாண்டியா மாவட்டத்தில் அமைந்துள்ள நகராகும். மைசூர் நகருக்கு அருகில் அமைந்த இந்நகரம் சமய , பண்பாட்டு & வரலாற்று சிறப்பு மிக்க இடமாகும். மைசூரிலிருந்து 13 கிமீ தொலைவில் இந்நகரம் உள்ளது.

ஸ்ரீரங்கபட்டிணம், காவிரி உருவாக்கி வைத்த அற்புதத் தீவு. மைசூரின் புலி என அழைக்கப்பட்ட திப்பு சுல்தான் தன் அரசாங்கத்தை இந்த ஊரை தலைமையிடமாகக் கொண்டு அமைத்திருந்தார். நூற்றாண்டுகளை கடந்த பழமையும், நவீனமும் ஒரே புள்ளியில் சந்திக்கிற தீவு. ஊரின்  வடமேற்கில் காவிரி இரண்டாகப் பிரிந்து மீண்டும் இணைகிறாள். நகரம் முழுக்க இடிந்து போன கோட்டைச் சுவர்களால் நிரம்பி இருக்கிறது. ஊரின் எந்த திசையில் சென்றாலும் கோட்டை சுவர்களின் மிச்சம் தென்படுகிறது.

மிகப் பழமையான ஊர் என்ற போதிலும் கிராமத்து மணமே அதிகம் வீசுகிறது. ஊருக்குள் எங்கு பார்த்தாலும் கிளிகள் பறந்து கொண்டே இருக்கிறது. கிளிகளின் சத்தம் மனதை எளிதாக்குகிறது. பல வெளிநாட்டு பறவைகள் அருகிலுள்ள சரணாலயத்திலிருந்து வந்து காவிரியின் பரப்பை மேலும் அழகாக்குகின்றன.

விஜயநகர பேரரசின் கீழ் ஸ்ரீரங்கப்பட்டணம் சிறப்பு இடத்தை பெற்றிருந்தது. இங்கிருந்து அவர்கள் மைசூர் மற்றும் தலக்காடு போன்ற அரசுகளை நிர்வகித்தனர். பின்னர் மைசூர் மஹாராஜா உடையார் வசம் 1610ல் வந்துள்ளது. அதன் பின்னர் ஹைதர் அலி மற்றும் திப்பு சுல்தானின் காலத்தில் ஸ்ரீரங்கப்பட்டணம் அவர்களின் தலைநகராக விளங்கியது. திப்பு சுல்தானின் அரண்மனை மற்றும் ஜும்மா மசூதி ஆகியவை இந்திய இசுலாமிய கட்டடக்கலைக்கு சான்றாக உள்ளன. இங்கு நான்காம் ஆங்கில மைசூர் போரின் கடைசி சமராகவும் அமைந்தது. திப்புவின் மரணத்தோடு இப்போர் முடிவுக்கு வந்தது. இந்திய சுதந்திரப்போராட்ட வரலாற்றில் திப்புவும் முக்கிய இடம் வகிக்கிறார்.

இவ்வளவு சரித்திரச் சிறப்புகள் வாய்ந்த இந்த நகரத்தில் மைசூர்ராஜா உடையார் அவர்களால் 1660ல் இந்த ஆதிநாதருக்கான ஜினாலயம் கட்டப்பட்டு இன்றுவரை, முஸ்லீம் சாம்ராஜ்யத்திற்கும் பின்னரும், அழியாமல் தன் வரலாற்றை கூறி வருவது இதன் சிறப்பாகும்.

அழகிய வளைவுடனான மதிற்சுவர்க் கதவுகளை கடந்ததும், சற்றொப்ப ஐம்பதடி உயர மானஸ்தம்பம் வெண்மையான கருங்கல்லில் சதுர வடிவில் மேற்புறம் நான்கு ஜினர் உருவங்களுடன் நிறுவப்பட்டு நம்மை வரவேற்கும். அதனைச் சுற்றிலும் பூச்செடிகளும், சீராக வளர்க்கப்பட்ட புற்செடிகளும் நிறைந்த நந்தவனம் அந்த ஆலயத்திற்கு மிக அழகான தோற்றத்தை அளித்துக் கொண்டிருந்தன. ஆலய  நுழைவாயின் கோபுரம் மூலவர் விமானம் போன்று கூம்புவடிவில் பல அடுக்குகளைக் கொண்டதாக வடிவமைக்கப்பட்டிருந்தது.அனைத்துமே வெண்மை நிறத்தில் பளிச்சென்ற தோற்றத்துடன் காணப்படுவது ரம்மியமாக உள்ளது.

மேலும் திருச்சுற்றில் நாகதேவதை உருவச் சிலைகள் அங்காங்கே நிறுவப்பட்டிருந்தன. மிக அழகாக சீராக புணருதாரணம் செய்திருப்பதை கண்டு வியந்தோம்.

முகமண்டத்தைக் கடந்ததும் பிரார்த்தனைக்கூடத்தில் அன்றைய விதானத்திற்கான யந்திரமும், சுற்றிலும் நவக்கிரத்திற்கான கலச ஏற்பாடும், அதற்கான பூஜைப்பொருள்களுடன் மேடையும், பூத்தட்டுகளும் மேலும் தெய்வீக மணத்தை வழங்கிகி கொண்டிருந்தன.

அதனைக் கடந்து சென்றதும் உள்ளே… மூலவர் ஆதிநாதர் கருமைநிறக்கல்லால் உருவாக்கப்பட்டு ஐந்தடியுயர பத்மாசன தியானக்கோலத்தில் காட்சியளிக்கிறார். அவர் இருபுறமும் கோமுக யக்ஷனும், சக்ரேஸ்வரி யக்ஷியும், பின்புறம் பிரபாவளி மற்றும் சாமரை தேவர்களுடன் ஒரே கல்லில் கோர்வையாக ஒன்றாக வடித்துள்ளது இவ்வாலய மூலவருக்கான சிறப்பாகும். அழகிய இவரது சிலைவடிவம் அனைவரையும் கவரவே செய்கிறது.

மேலும் கருவறை முன் கட்டின் மையத்தில் ஸ்ரீபார்ஸ்வநாதரின் சற்று சிவந்தகருமைநிறக்கல்லில் 3 அடி உயரத்தில் வடிக்கப்பட்ட சிலையும் பிரபாவளியுடன் தரணேந்திர பத்மாவதியுடன் காணப்படுகிறது.

அதன் இருபுறச் சுவற்றிலுள்ள மேடையில் 24 தீர்த்தங்கரரின் பிரபாவளியுடனான கட்காசன நிலை சிலைகள் காட்சி தருகின்றன. அடுத்து சில தீர்த்தங்கரர் திருவுருவங்களும், பஞ்சகுல தேவியரான சக்ரேஸ்வரி, பத்மாவதி, ஜ்வாலாமாலினி, கூஷ்மாண்டினி, சித்தாயினி போன்ற யக்ஷியரின் உலோகச் சிலைவடிவங்கள் மேடையில் அமர்த்தப்பட்டுள்ளன.

அடுத்த முன் கட்டில் இடது புறம் 4 அடியுயரத்தில் ஐந்துதலை நாகபடத்துடன் ஸ்ரீ தரணேந்திரரும், வலதுபுறத்தில் 4 அடியுயர மூன்றுதலை பனாமுடியுடனான ஸ்ரீபத்மாவதி அம்மன் சிலையும் அழகாக வடிக்கப்பட்டு அலங்காரத்துடன் காட்சியளிக்கின்றன. இங்கு பத்மாவதி அம்மன்  வழிபாடு மிகப்பிரசித்தி பெற்றது என்பதை அன்று நடைபெற உள்ள பூசைக்கான ஏற்பாடுகளே தெரிவித்தன.

மொத்தத்தில் அழகான ஸ்ரீரங்கப்பட்டின ஸ்ரீ1008 ஆதிநாதர் திகம்பர ஜினாலயம் தோற்றத்தில் மற்றும் சிறந்த பராமரிப்பில் மிக்க பொலிவுடன் காணப்பட்டது மனதுக்கு ரம்மியமான இருந்தது. அனைவரும் ஒரு முறை சென்று வணங்குவது சாலச்சிறந்தது.

அங்கு காலை 8 மணியிலிருந்து 2 மணி வரையும், மாலை 4 லிருந்து 7.30 வரை மட்டுமே திறந்திருக்கும். அதில் மிகவும் கட்டுப்பாடுடன் உள்ளார் பண்டிட்ஜி அவர்கள். (இரு தினங்கள் முன்னர் அவ்வழியே தலைக்காவிரிக்கு செல்லும் வழியில் தரிசனத்திற்கால் மூன்று மணியளவில் சென்று வினவியபோது திறக்க மறுத்துவிட்டார் என்பது குறிப்பிடத்தக்கது.)

Srirangapatna holds a unique place in the history of Karnataka and the history of Indian Independence. It was a administered in the name of Vijayanagara sovereigns by a viceroy known as Sri Rangaraya, when the imperial capital was at Chandragiri. In 1610 when Raja Wodeyar of Mysore took pocession of Srirangapatna, it was the capital of the Rajas of Mysore and continued to be the seat of the Government under Haider Ali and Tippu Sultan until its capture by the British in 1799. In the intervening period, the capital had been besieged several times. Srirangapatna was a flourishing city during Chickkadevaraja’s time. The Sriranganatha temple, Tippus Dariyadaulat, Gumbaz and the Nimishambha temple are the worth visiting places at Srirangapatna.

The temple of Bhagawan Adinatha at Srirangapatna is said to have been built in the year A.D. 1660. Along with this we can find very attractive idols of Goddess Padmavathi and Daranendra Yaksha. Along with this we can find the idols of the 24 Tirthankaras installed in the temple. Every year special pooja mahotsav’s are conducted here on the occassion of mula nakshtra (birth day of Godess padmavathi) and akshyatritiya. The idol of Godess Padmavathi is very famous and devotees from all over Karnataka visit this place. Special pooja to goddess Padmavathi is also being arranged here on every friday during the month of Sravana.

Srirangapatna is situated at a distance of 15 kilometers from Mysore and Mandya. Good boarding and lodging facilities are also avaialble at Srirangapatna. Srirangapatna has good transport facilities from Bangalore, Mysore and Mandya.

Sri Adinatha Digambar Jain temple had Main Deity – About five feet high black coloured idol of Bhagawan Adinatha in the padmasana posture with yaksha Komugha and yakshi Chakreshwari on eitherside and a beautiful Prabha structure added more grand look.

All 24 thirthankar standing posture stone statues are arranged on two platform either side of aisle. At center Shri Parshwa jinar statue also installed in reddish black stone made.

Apart from Panchkula Devis of Chakreswari, Jwalamalini, Padmavathi, Kooshmandini and Siddhayani five metal idols are seated on the side tiers stairs with Jinar idols.

Beautiful black stone Dharanender yaksha and Padmavathy yakshi statues are installed on either side of arthmandapam made more divinity at the hall.

Sincere thanaks to Mr. Nitin, Jain heritage centre, for giving history of the temple.