KAVANOOR (Arakonam)- காவனூர் (அரக்கோணம்)

RUINED Shri Parshwanathar Jain Temple 

சிதிலமடைந்த ஸ்ரீபார்ஸ்வநாதர் ஜிநாலயம்.

Location:

lies on the Google map in the coordination of (13.10689, 79.69349) ie put the latitude, Longitude on the search box

Map for Jain pilgrimage centres:   Click for KAVANOOR

(Tamil nadu / Kerala)

சமண யாத்திரை ஸ்தலங்களின் வரைபடம் :  காவனூர் கிளிக் செய்யவும் 

(தமிழ்நாடு / கேரளா )

ROUTE:-

Tindivanam → Vandavasi → Kanchipuram → Arakkonam → Kavanoor = 112 kms.

chennai(Koyampedu) → Arakkonam → Kavanoor = 77 kms.

Vellore → Arcot → Arakkonam → Kavanoor = 81 kms.

Tiruvannamalai  → Arani → Arcot → Arakkonam → Kavanoor = 146 kms.

செல்வழி:-

திண்டிவனம் → வந்தவாசி  → காஞ்சிபுரம் → அரக்கோணம் → காவனூர்  = 112 கி.மீ.

சென்னை(கோயம்பேடு) →  அரக்கோணம் → காவனூர்  = 77 கி.மீ.

வேலூர் → ஆர்க்காடு → அரக்கோணம் → காவனூர்  = 81 கி.மீ.

திருவண்ணாமலை  → ஆர்க்காடு → அரக்கோணம் → காவனூர்  = 146 கி.மீ.

 ஓம் ஹ்ரீம் ஸ்ரீ பார்ஸ்வநாத தீர்த்தங்கராதி சகல முனி கணேப்யோ 

 அர்க்யம் நிர்வபாமி ஸ்வாஹா 

ஓம் ஹ்ரீம் அர்ஹம் ஜம்பூத்வீபத்து பரத க்ஷேத்திரத்து காசி நாட்டு வாரணாசி நகரத்து உக்ர வம்சத்து விஸ்வசேன மஹாராஜாவிற்கும், பிராமி மஹாதேவிக்கும் உதித்த திருக்குமாரனும் ஒப்பிலா மஹா புருடரும், கரும் பச்சை வண்ணரும் 9 முழம் உயரம் உடையவரும் பரம ஔதாரிக தேகத்தை உடையவரும் 100 வருடம் ஆயுள் உடையவரும், ஸர்ப லாஞ்சனத்தை உடையவரும், தரணேந்திர யக்ஷ்ன், பத்மாவதி யக்ஷியர்களால் சேவிக்கப்பட்டவரும் சுயம்பு முதலிய 18 கணதர பரமேட்டிகளை உடையவரும் ஒரு மாதம் ப்ரதிமா யோகம் கொண்டவரும் சம்மேத கிரியில் ஸ்ராவண சுக்ல சப்தமி திதியில் 82 கோடி 84 லட்சத்து 41 ஆயிரத்து 742 முனிவர்களுடன் ஸ்வர்ண பத்ர கூடத்தில் பரிநிர்வாணம் அடைந்தவருமான ஸ்ரீபார்ஸ்வ  தீர்த்தங்கர பரம ஜிநேந்திர சுவாமிக்குத் தூய மனம் மொழி மெய்களால் நமோஸ்து! நமோஸ்து! நமோஸ்து!

காவனூர் என்னும் சமணத் திருத்தலம் அரக்கோணம் அருகில் வடதிசையில் 3 கி.மீ. தொலைவில் உள்ளது. அங்கே பல நூற்றாண்டுகளுக்கு முன்னர் சமணம் தழைத்தோங்கி இருந்தமைக்குச் சான்றாக காலச் சூழலில் சிதிலமடைந்த ஒரு ஜிநாலயம் உள்ளது. முழுமையாக இருந்து தற்போது முன் பகுதிகள் அழிந்து கருவறை மற்றும் உள்ளாலை மட்டும் தனித்து நிற்கிறது. ஏனெனில் அதன் நுழைவாயிலின் நிலை அளவு சிறியதாய் உள்ளதால், அர்த்தமண்டபம் முன்னர் இருந்திருக்க வேண்டும் என்பது திண்ணமாகிறது.  மேல் விமானம் முழுவதும் வீழ்ந்து விட்ட நிலையில் பிரஸ்தர பகுதியில் உள்ள உத்திரங்கள் மட்டும் விழாமல் உள்ளன. அனைத்து காரைகளும் ஜீரணித்த நிலையில் வெறும் கருங்கற்களை அடுக்கி வைத்தது போல் காட்சியளிக்கிறது. அதனைச் சுற்றிலும் உள்ள விஸ்தாரமான நிலமும் தற்போது வெற்றிடமாக உள்ளது.

ஆலய அமைப்பு மற்றும் அதில் உள்ள கருங்கற்களைக் காணும் போது கி.பி. 7ம் நூற்றாண்டிற்கு பின் உள்ளதாக தோன்றுகிறது. அதற்கு முன் அப் பிரதேசங்களில் மண், சுதை, மரம் முதலியன மட்டுமே கட்டுமானத்திற்கு உபயோகித்துள்ளனர். ஒரு ஜிநாலயம் கட்ட ஊரில் குடியேறி மூன்று தலைமுறையேனும் பொருள் ஈட்டியிருக்க வேண்டும். அதனை நோக்குங்கால் அப்பிரதேசத்தில் கி.பி.6ம் நூற்றாண்டிற்கு முன்னரே சமணக் குடும்பங்கள் இருந்திருக்க வேண்டும். ஆனால் தற்போது ஒரு சமணர் கூட (பட்டின பிரவேசத்தினால்) இல்லை.  ........

Kavanoor is one of the Jain heritage centre and located 3 kms north from near Arakonam town. There is a degenerated Jinalaya in the Village, which reveals the place is more glorious in ancient years. Many Jains had been living in yesteryears. But at present there is no Jains in the village. The remnants consist of Garbahriha with narrow entry passage. So the old arthamandap and other pavilions were demolished and taken away. The crowned Viman also removed except the base beems. The wall granite blocks are separated by no bonding mortar. But luckily the non-structure layout portion of Jinalaya is vacant now. 

The sand stone structure influences that the temple belongs post period of 7^th Century AD. Before that mud soil, lime, sand and wood were used for constructions. The village Jains might be lived in 6^th Century AD or earlier. Only the descedents of origin were construct the temple. Unfortunately no Jains population is here.  ..........

அந்த ஜிநாலயத்தின் மூலவரான ஸ்ரீபார்ஸ்வ ஜிநரின் சிலையை அவ்வூர் மக்கள் பாதுகாப்பாக அருகிலுள்ள பெருமாள் கோவிலுக்கருகில், பின்னம் ஏற்படாமல் இருக்க கவிழ்ந்த நிலையில் வைத்துள்ளனர். நின்ற நிலையில் உள்ள அப்பெருமான் தலைக்கு மேல் ஐந்து தலைநாகம் படம் விரித்த நிலையில் பிரபா வட்டமும், இருபுறம் சாமரையை தூக்கிய நிலையில் உள்ள தேவர்களுடன் காட்சியளிக்கிறார். சிலை முழுவதுமாக மிகவும் அரித்துபோன நிலையில் உள்ளது (வழவழப்பு செய்ய முடியும்). அவருக்கு மேடையும் கூரையும் அமைப்பதற்கு ஆர்வமாகவும், அதன் பாதுகாவலராகவும் உள்ள திரு.கோவிந்தாஜன் (தையற் கடை உரிமையாளர்), என்ற அன்பர் முன்பிறவியில் சமணராக இருந்திருப்பார் என்பதில் ஐயமில்லை.

தற்போது இதுபோன்று அழிந்து வரும் சிலைகள், ஆலயங்களை சீரமைப்பதில் பல சமண இயக்கங்கள் ஆர்வம் காட்டுகிறார்கள். அவர்கள் அனைவரும் ஒன்று கூடி பொருள் உதவி செய்து அந்த இடத்தில் நூதன ஜிநாலயம் அமைத்து அப்பெருமானை பிரதிஷ்டை செய்வார்கள் என நம்புவோமாக. வாழ்க அவர்களது திருத்தொண்டு!

தொடர்புக்கு: திரு. R. கோவிந்தராஜன் ‡  +91 9047877274

The good-hearted people of the village preserve the Moolavar Idol of Shri Parshwanathar in overturn position, to avoiding damage, to the adjacent of nearby Perumal temple. The stone plate carvings exhibits five-headed snake canopy, two whisk devars in raising posture, a prabha circle on the back of head are itched. A noble care-taker Shri R.Govindarajan, Tailorin shop owner, proposed to construct a podium and shelter to the Lord. (He might be a Jain in his previous birth)

The interested individuals (Bavyars)/association of abandoned Jinar statues and ruined Jinalayas, must unit and taken a decision to construct a New temple to the Legends in the same places. That is our wish and prayer.

For contact: R. Govindarajan - +91 9047877274

 அன்பர்திரு. R. கோவிந்தாஜன், (தையற் கடை உரிமையாளர்)